ନୂଆଖାଇଲେ ଲଣ୍ଡାଗାଁବାସୀ

ବାଲିଗୁଡା: ଲୋକ୍ ଆବାଜ.ଇନ୍( ପ୍ରମୋଦ କୁମାର ଦଣ୍ଡସେନା)

 -ଓଡ଼ିଶାର ଗଣପର୍ବ ଭାବେ ବେଶ ପରିଚିତ ନୂଆଁଖାଇ ପର୍ବ l ପଶ୍ଚିମ ଓଡ଼ିଶା ର ଗଣପର୍ବ ନୂଆଖାଇ ଏବେ ସାର୍ବଜନୀନ ହୋଇ ପାରିଛି l ଓଡ଼ିଶା ର ପୁରପଲ୍ଲୀ ରେ ନୂଆଖାଇ ଭାବେ ପାଳନ କରିଛନ୍ତି ସାରା ଓଡ଼ିଶାବାସୀ ବାଲିଗୁଡା ସହର ସମେତ ବାଲିଗୁଡ଼ା ବ୍ଳକ ର ସମସ୍ତ ଗ୍ରାମ ପଞ୍ଚାୟତ ଦାରିଂବାଡ଼ି ବ୍ଳକ ର କିରିକୁଟି ସିମନବାଡ଼ି ସୋନପୁର ବ୍ରାହ୍ମଣୀଗାଁ ଗଦାପୁର ବୁଡ଼ାଗୁଡ଼ା କ ନୂଆଗାଁ ବ୍ଲକ୍ ର କଞ୍ଜମେଣ୍ଡି କୁଡୁତୁଲି ସlରଙ୍ଗଡ ସିର୍ତ୍ତିଗୁଡ଼ା ଆଦି ଅଞ୍ଚଳ ରେ ପାରମ୍ପରିକ ଗଣ ପର୍ବ ପାଳିତ ହୋଇ ଯାଇଛି l ସୀମାନ୍ତ ଲଣ୍ଡାଗାଁ ଅଞ୍ଚଳ କଳାହାଣ୍ଡି ବୌଦ୍ଧ ବଲାଙ୍ଗୀର ଜିଲ୍ଲାର ସୀମାନ୍ତ ହୋଇ ଥିବାରୁ ପଶ୍ଚିମ ଓଡ଼ିଶା ଢାଞ୍ଚା ରେ ଧୁମଧାମରେ ପାଳିତ ହୋଇଯାଇଛି । ଏଥିପାଇଁ ଘରେ ଘରେ ଜମୁଛି ପିଠା ପଣାର ଆସର । ଇଷ୍ଟ ଦେବାଦେବୀ ଓ ପିତୃପୁରୁଷଙ୍କ ନିକଟରେ ନାବନ୍ନ ଲାଗି କରିଛନ୍ତି ଅଞ୍ଚଳ ବାସୀ । ଚାଷୀ ଘରର ପୁଅ ନିଜ ଅମଳ ପ୍ରଥମ ଶସ୍ୟ ଘରକୁ ଆଣିବା ପରେ ପୂଜାର୍ଚ୍ଚନା କରି ସମସ୍ତେ ଏକାଠି ବସି ନବାନ୍ନ ଭକ୍ଷଣ କରିଛନ୍ତି। ନୂଆଖାଇ ଭେଟଘାଟରେ ସାନ ମାନେ ବଡ଼ ମାନଙ୍କୁ ମୁଣ୍ଡିଆ ମାରିବା ସହ ଆର୍ଶୀବାଦ ନେଇଛନ୍ତି । ଭାଇ ଚାରାର ଏହି ନିଆରା ପର୍ବ ନୂଆଁଖାଇରେ ନିଜ ପରିବାର ର ବନ୍ଧୁ ବାନ୍ଧବ ପରିବାର ସହ ସାମିଲ ହୋଇଛନ୍ତି । ସକାଳୁ ସକାଳୁ ନୂଆ ବସ୍ତ୍ର ପିନ୍ଧି ଗାଁର ଇଷ୍ଟଦେବୀ ଙ୍କ ଠାରେ ଏକାଠି ହୋଇଥିଲେ ଲୋକେ । ସ୍ନେହ, ପ୍ରେମ ଓ ପରମ୍ପରା ବନ୍ଧନର ପ୍ରତୀକ ଭାବେ ନୂଆ ଚାଉଳ, ନୂଆ ଚୁଡ଼ା ଓ ଫଳ ଭଳି ୯ ପ୍ରକାର ବ୍ୟଞ୍ଜନ ଭୋଗ କରାଯାଇଛି । ଘରର ମୁରବୀ ଠାରୁ ନବାନ୍ନ ଗ୍ରହଣ କରି ମୁରବୀଙ୍କୁ ମୁଣ୍ଡିଆ ମାରି ପରିବାର ସମସ୍ତେ ଏକାଠି ବସି ନୂଆ ଖାଇଛନ୍ତି । ଶାଳ କୁରେଇ ପତ୍ର ର ଦନାରେ ଛଅ ତିଅଣ ନଅ ଭଜା କରି ଏକାଠି ବସି ଖାଇବା ସହ ଜୁହାର ଭେଟ କାର୍ଯ୍ୟକ୍ରମ ଜମିଛି | ସନ୍ଧ୍ୟାରେ ପୁରପଲ୍ଲୀରେ ନୃତ୍ୟ ଗୀତର ଆସର ଜମିଛି । ଡାଲଖାଇ, ରସରକେଲି ପରି ଗୀତରେ ମତୁଆଲା ହୋଇଛନ୍ତି ଲଣ୍ଡାଗାଁ ସମେତ ସୀମାନ୍ତ ଅଞ୍ଚଳ ବାସୀ।