ସାନଡୁଙ୍ଗୁରିଗୁଡ଼ା କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ: ଗଜବାହାଲ ଚାମ୍ପିଅନ
କର୍ଲାମୁଣ୍ଡା, ୨୭/୦୧ ଲୋକ ଆବାଜ. ଇନ(ସୁଶାନ୍ତ ରଣା ଙ୍କ ରିପୋର୍ଟ):
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ତେରେସିଂହା ଗ୍ରା.ପ ଅନ୍ତର୍ଗତ ସାନଡୁଙ୍ଗୁରିଗୁଡା ସ୍କୁଲ ପଡ଼ିଆଠାରେ ଚାଲିଥିବା ମାଁ ଗବଡେନ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଏଥିରେ ଭାଲୁପିଆ କୁ ହରାଇ ଗଜବାହାଲ ଦଳ ଚାମ୍ପିଅନ ହୋଇଥିଲା। ମ୍ୟାଚଟିକୁ ଅଟଳ ପଧାନ ଓ ଦେବାଶିଷ ନାଏକ ପରିଚାଳନା କରିଥିଲେ। ଖେଳାଳୀ ଜିତେନ୍ଦ୍ରିୟ ଭୋଇ ଓ ବିଜେ ରାଜେଶ କୁମାର ଭୋଇ ଖେଳର ଧାରାବିବରଣୀ ପ୍ରଦାନ କରିଥିଲେ। ଉଦଯାପନୀ ଉତ୍ସବରେ ତେରେସିଂହା ଗ୍ରା.ପ. ସରପଞ୍ଚ ପ୍ରମୋଦ ସୁନା ମୁଖ୍ୟ ଅତିଥି, ଜିଲ୍ଲା ପରିଷଦ ସଦସ୍ୟ ସୁରେଶ ଚୌଧୁରୀ, ବିଜେଡ଼ି ବ୍ଲକ ସଭାପତି ଯଶୋବନ୍ତ ସାହୁ, ବିଶ୍ୱମ୍ବର ଭୋଇ, ପ୍ରମୋଦ ପଧାନ, ବିରେନ୍ଦ୍ର ନାଏକ, ଶଙ୍କର୍ଷଣ ବାଗ, ସତ୍ୟବାନ ପଧାନ, ରାଜବିହାରୀ ଭୋଇ, ମନୋଜ କୁମାର, ଶରତ ପଧାନ, ସୁମନ୍ତ ମାଝୀ, ଚରଣ ବାଗ, ସୁରେଶ ଘିଭେଲା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଉପସ୍ଥିତ ଅତିଥି ମାନଙ୍କ ଦ୍ୱାରା ଟୁର୍ଣ୍ଣାମେଣ୍ଟ ର ଉଭୟ ବିଜେତା ଓ ଉପବିଜେତା ଦଳକୁ ଟ୍ରଫି ସହ ନଗଦ ଅର୍ଥ ରାଶି ପ୍ରଦାନ କରାଯାଇଥିଲା। କ୍ରିକେଟ୍ କ୍ଲବ ର ସଭାପତି ପ୍ରଶାନ୍ତ ଘିଭେଲା, ସମ୍ପାଦକ କିଶୋର ପଧାନ, କୋଷାଧ୍ୟକ୍ଷ ଅନଙ୍ଗ ଭୋଇ ଓ କିଶୋର ପଧାନଙ୍କ ନେତୃତ୍ୱରେ ସମସ୍ତ ସଦସ୍ୟ ସହଯୋଗ କରିଥିଲେ।
What's Your Reaction?
