କନ୍ଧମାଳ ରେ ଅପରେସନ ନୀଳ ଜହର l ପନ୍ଦର ଏକର ସରକାରୀ ଜମିରୁ ଗଂଜେଇ କାଟିଲା ବାଲିଗୁଡା ପୋଲିସ l
ବାଲିଗୁଡା : ଲୋକ ଆବାଜ.ଇନ୍(ପ୍ରମୋଦ କୁମାର ଦଣ୍ଡସେନା ଙ୍କ ରିପୋର୍ଟ)
କନ୍ଧମାଳ ଜ଼ିଲ୍ଲା ବାଲିଗୁଡା ଥାନା ଅଞ୍ଚଳ ରେ ପୋଲିସ ବିଭାଗର ପୁଣି ଅପରେସନ ନୀଳ ଜହର ଲ ବାଲିଗୁଡା ଥାନା ଅନ୍ତର୍ଗତ ସିନ୍ଦୀରୀଗାଁ ଗ୍ରାମ ପଞ୍ଚାୟତ ର ନଦୀ ତଟ ବର୍ତ୍ତୀ ଅଂଚଳ ଉପାନ୍ତ ଗାଁ ଗୁଡିକ ର ସରକାରୀ ଜମି ଓ ଜଙ୍ଗଲ ଜମିରେ ବେ ଆଇନ ଭାବେ ଚାଷ ହୋଇଥିବା 15 ଏକର ଅଞ୍ଚଳ ର ଗଂଜେଇ ଚାଷକୁ କାଟି ପୋଡି ଦେଇଛି ବାଲିଗୁଡା ପୋଲିସ lନୀଳଜହର ବା ଗଞ୍ଜେଇର ପେଣ୍ଠସ୍ଥଳି କୁହାଯାଉଥିବା କନ୍ଧମାଳ ର ବିଭିନ୍ନ ଥାନା ଅଞ୍ଚଳ ରେ ବେଧଡକ ଗଞ୍ଜେଇ ଚାଷ ହେଉଛି l ବାହାର ରାଜ୍ୟର ମାଫିଆ ଆଦିବାସୀ ଙ୍କୁ ହାତକରି ଜଙ୍ଗଲ ଓ ଉପାନ୍ତ ଅଞ୍ଚଳରେ ଚାଷ ଓ ବ୍ୟବସାୟର କାୟା ବିସ୍ତାର କରିଚାଲିଛନ୍ତି ଏହାକୁ ରୋକିବାକୁ ବାଲିଗୁଡା ପୋଲିସ ଅପରେସନ ନୀଳଜହର ପ୍ରଥମ ଦିନରେ ଏହି ସଫଳତା ପାଇଛି l ପୋଲିସ ବିଭାଗ ର କାର୍ଯାନୁଷ୍ଠାନ ଫଳରେ ଗଂଜେଇ ମାଫିଆ ଓ ଚାଷୀ ମନରେ କୋକୁଆ ଭୟ ସୃଷ୍ଟି ହୋଇଛି l ନଷ୍ଟ କରାଯାଇ ଥିବା ଗଂଜେଇ ର ଆନୁମାନିକ ମୂଲ୍ୟ ଲକ୍ଷlଧିକ ଟଙ୍କା ହେବ ବୋଲି ଥାନା ଅଧିକାରୀ ସୁଶାନ୍ତ କୁମାର ସାହୁ ସୂଚନା ଦେଇଛନ୍ତି ଏନେଇ ବାଲିଗୁଡା ଥାନାରେ ଏନ ଡ଼ି ପି ଏସ ଆକ୍ଟରେ ବେନାମୀ ଚାଷୀନାମରେ ମାମଲା ରୁଜୁ ହୋଇଛି l ନୀଳଜହର ଅପରେସନ ରେ ଏକଜୁଟିଭ ମାଜିଷ୍ଟ୍ରେଟ ହରେକୃଷ୍ଣ ରାଉତ ଓ ପୋଲିସ କର୍ମଚାରୀ ଉପସ୍ଥିତ ଥିଲେ l
What's Your Reaction?
