ରେଳବାଇ ଡାକ ସେବା ସ୍ଥାନାନ୍ତରିତ ନ କରିବାକୁ ପୋଷ୍ଟ ମାଷ୍ଟର ଜେନେରାଲ ଭୁବନେଶ୍ୱର,ସାଂସଦ ଓ ଜିଲାପାଳ କଳାହାଣ୍ଡି ଙ୍କୁ ଦାବିପତ୍ର ପ୍ରଦାନ

କେସିଙ୍ଗା:ଲୋକ ଆବାଜ. ଇନ(ତୁମେଶ୍ୱର ସାହୁଙ୍କ ରିପୋର୍ଟ)

କଳାହାଣ୍ଡି ଜିଲା କେସିଙ୍ଗା ରେଳ ଷ୍ଟେସନ ସ୍ଥିତ ରେଳ ଡାକ ସେବା (RMS) କୁ ସ୍ଥାନାନ୍ତରିତ ନ କରିବାକୁ ପୋଷ୍ଟ ମାଷ୍ଟର ଜେନେରାଲ ଭୁବନେଶ୍ୱର , କଳାହାଣ୍ଡି ସାଂସଦ ଓ ଜିଲ୍ଲାପାଳ କଳାହାଣ୍ଡି ଙ୍କୁ କଳାହାଣ୍ଡି ଜିଲା ରେଳ ଯାତ୍ରୀ ସଙ୍ଘ ପକ୍ଷରୁ ଦାବିପତ୍ର ପ୍ରଦାନ ସହ ସୋମବାର ଅଭିଯୋଗ କରାଯାଇଥିବା ଜଣାପଡିଛି।କେସିଙ୍ଗା ରେଳ ଷ୍ଟେସନରେ ଥିବା ରେଳ ମେଲ ସେବା (ଆରଏମଏସ) କୁ ବଲାଙ୍ଗୀର ଆରଏମଏସ ସହିତ ମିଶ୍ରଣ କରାଯିବ ଏବଂ ପରବର୍ତ୍ତୀ ସମୟରେ ସମ୍ପୁର୍ଣ୍ଣ ଭାବରେ ବଲାଙ୍ଗୀରକୁ ସ୍ଥାନାନ୍ତର କରାଯିବା ପାଇଁ ରେଳ ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। ଏହି ଖବର ସହର ବାସୀ ଶୁଣିଲା ପରେ ଲୋକମାନଙ୍କ ମଧ୍ୟରେ ବହୁତ ଚିନ୍ତାର କାରଣ ହୋଇଛି। ଏହି ରେଳ ମେଲ ସେବା ୧୯୭୨ ମସିହାରେ ପ୍ରତିଷ୍ଠିତ ହୋଇଛି।ଦୀର୍ଘ ୫୨ବର୍ଷ ହେଲା କେସିଙ୍ଗା ଆରଏମଏସ, କଳାହାଣ୍ଡି ଏବଂ ନୁଆପଡା ଜିଲ୍ଲାର ଲୋକଙ୍କୁ ସ୍ପିଡ୍ ପୋଷ୍ଟ, ପାର୍ସଲ ଏବଂ ପଞ୍ଜୀକୃତ ପୋଷ୍ଟ ଭଳି ସେବା ପ୍ରଦାନ କରି ଆସୁଛି |

  ଏହାପୂର୍ବରୁ, ବଲାଙ୍ଗୀରକୁ ସ୍ପିଡ୍ ପୋଷ୍ଟ ଏବଂ ପାର୍ସଲ୍ ସୁବିଧା ଭଳି କିଛି ସେବା ସ୍ଥାନାନ୍ତର ହୋଇଥିଲା ଯାହାଫଳରେ ସ୍ଥାନୀୟ ଜନସାଧାରଣଙ୍କୁ ଅସୁବିଧାରେ ପକାଇଥିଲା ,ଏହି ପଦକ୍ଷେପ ସ୍ଥାନୀୟ ସ୍ୱାର୍ଥ ଏବଂ ଆବଶ୍ୟକତାକୁ ଅଣଦେଖା କରୁଥିବା ପରି ମନେହୁଏ, ବିଶେଷ କରି ଯେତେବେଳେ କେସିଙ୍ଗା ରେଳ ଷ୍ଟେସନକୁ ଅମୃତ ଭାରତ ରେଳ ଯୋଜନାରେ ରେଳ ବିଭାଗ ଦ୍ୱାରା ଅନ୍ତର୍ଭୁକ୍ତ କରାଯାଇଥିଲା। ସେତେବେଳେ ଦୃଢତାର ଭାବରେ ବିଶ୍ୱାସ କରି RMS କାର୍ଯ୍ୟାଳୟ ସ୍ଥାନାନ୍ତର କରିବା ଷ୍ଟେସନର ଉପଯୋଗିତାକୁ କ୍ଷୁର୍ଣ୍ଣ କରିବ ଏବଂ ଲୋକେଡାକ ସେବାରୁ ବଞ୍ଚିତ ରହିବେ।ଏଣୁ କେସିଙ୍ଗା ସହରବାସୀ ଏହି ନିଷ୍ପତ୍ତିର ପୁନର୍ବିଚାର କରିବା ସହ କେସିଙ୍ଗା ରୁ ବଲାଙ୍ଗୀର କୁ ସ୍ଥାନାନ୍ତରିତ ପ୍ରକ୍ରିୟା କୁ ବନ୍ଦ କରିବାକୁ ଅନୁରୋଧ କରିଛନ୍ତି। ଏହା ପରିବର୍ତ୍ତେ, ଷ୍ଟେସନର ଗୁରୁତ୍ୱକୁ ଦୃଷ୍ଟିରେ ରଖି ଏହି ଅଞ୍ଚଳର ଲୋକଙ୍କୁ ଉତ୍ତମ ସେବା କରିବା ପାଇଁ କେସିଙ୍ଗା ଠାରେ ଥିବା RMS ସୁବିଧାକୁ ସ୍ଥାନାନ୍ତରିତ ନ କରିବାକୁ କଳାହାଣ୍ଡି ରେଳ ଯାତ୍ରୀ ସଙ୍ଘ ତଥା ଜର୍ଣ୍ଣାଲିଷ୍ଟ ଆସୋସିଏସନ ଟ୍ରଷ୍ଟ ସମେତ ବିଭିନ୍ନ ଅନୁଷ୍ଠାନ ଏହି ସ୍ଥାନାନ୍ତରିତ ପ୍ରକ୍ରିୟା କୁ ଦୃଢ଼ ବିରୋଧ କରୁଥିବା ଜଣା ଯାଇଛି।