*ସିନେ ଅଭିନେତା ଗଦାଧର ବାରିକ ଙ୍କୁ ଯୋଗ ସମିତି ପକ୍ଷରୁ ସ୍ଵାଗତ ସମ୍ବର୍ଦ୍ଧନା*-

ସୋନପୁର; ଲୋକ୍ ଆବାଜ୍.ଇନ୍( ମନୋରଞ୍ଜନ ତ୍ରିପାଠୀ)

ସୁବର୍ଣ୍ଣପୁର ଜିଲ୍ଲାର ସଦର ସ୍ମାର୍ଟ ପାର୍କଠାରେ ଦିବ୍ୟଉର୍ଜା ଯୋଗ ସେବା ସମିତି ସୁବର୍ଣ୍ଣପୁର ତରଫରୁ *ଖରାଫିଲ୍ମ* ର ଶ୍ରେଷ୍ଠ ଅଭିନେତା ଭାବେ ୩୪ତମ ରାଜ୍ୟ ଚଳଚ୍ଚିତ୍ର ପୁରସ୍କାରରେ ପାଶ୍ଵ ଅଭିନେତା ଭାବରେ ରାଜ୍ୟ ସରକାର ଙ୍କ ଠାରୁ ସମ୍ମାନୀତ ହୋଇଥିବା ସୁବର୍ଣ୍ଣପୁର ଜିଲ୍ଲାର ଗର୍ବ ଏବଂ ଗୌରବ , ସଂସ୍କୃତି ଗବେଷକ ତଥା ବରିଷ୍ଟ ସିନେ କଳାକାର ନାଟ୍ୟ ଭୀଷ୍ମ ଶ୍ରୀଯୁକ୍ତ ଗଦାଧର ବାରିକ ଙ୍କୁ ଶୁକ୍ରବାର ସକାଳେ ଯୋଗ ସମିତି ପକ୍ଷରୁ ସମ୍ବର୍ଧିତ କରାଯାଇଛି l ସମିତି ର ସଭାପତି ଗୋପାଳ ନେଗି , ଉପ ସଭାପତି ସୁଭାଷ ଚରଣ ପଣ୍ଡା ଓ ସମ୍ପାଦକ ଶ୍ରିମନ୍ତ ମିଶ୍ର , ସଂଯୋଜକ ରବୀନ୍ଦ୍ର ଜେନା ଙ୍କ ପ୍ରତ୍ୟକ୍ଷ ତତ୍ତ୍ଵl ବଧାନ ରେ ଆୟୋଜିତ ଏହି କାର୍ଯ୍ୟକ୍ରମ ରେ ଶ୍ରୀ ନେଗି, ଶ୍ରୀ ମିଶ୍ର ଓ ମହିଳା ସଦସ୍ୟ ଙ୍କ ଦ୍ୱାରା ଫୁଲ ତୋଡା ଉପ ଢୌକନ୍ ଦେଇ ଅଭିନେତା ଶ୍ରୀ ବାରିକ୍ ଙ୍କୁ ସମ୍ବର୍ଧିତ କରାଯାଇଥିଲା l ମନୋରଞ୍ଜନ ତ୍ରୀପାଠୀ ସଭା ସଂଯୋଜନା କରିଥିବା ବେଳେ ଯୋଗ ଗୁରୁ ମନୋଜ ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ l ଗ୍ଲୋବାଲ ୱାର୍ମିଂ ସଚେତନତା ଉପରେ ଆଧାରିତ ଏହି ଫିଲ୍ମ କାହାଣୀ ର କିଛି ଡ଼ାଇଲଗ ଓ କିଛି ଅନୁଭୂତି କୁ ଆଜି ର ଏହି ସଭାରେ ବାଣ୍ଟି ଥିଲେ ଶ୍ରୀ ବାରିକ୍ l ଯୋଗ ସମିତି ର ସମସ୍ତ ସଦସ୍ୟ ଏହି କାର୍ଯ୍ୟକ୍ରମ ରେ ଯୋଗ ଦେଇ ଅଭିନେତା ଶ୍ରୀ ବାରିକ୍ ଙ୍କୁ ସ୍ଵାଗତ କରିଥିଲେ l ଆସନ୍ତା ୨୭ ତାରିଖ ଦିନ ସହର ର ପ୍ରତୀକ କଲ୍ୟାଣ ମଣ୍ଡପ ଠାରେ ବଡ ପରଦା ରେ ପ୍ରଦର୍ଶିତ ହେବାକୁ ଥିବା ଏହି ଫିଲ୍ମ୍ ସୋ ରେ ଯୋଗ ଦେବାକୁ ଯୋଗ ସମିତି କୁ ଶ୍ରୀ ବାରିକ୍ ନୀମନ୍ତ୍ରଣ କରିଥିଲେ